La coce e il pic


 

Chest lavôr al è stat fat cun i frutins de classe prime de Scuele Primarie di Cjamin al Tiliment.

 

Cul jutori dal pipinot dal pic si lei la storie movint il personaç su lis pagjinis dal libri.

 

Idee di zûc: i fruts a podin fâ movi il pic par inventâ une gnove storie su lis pagjinis che a son di pueste cence peraulis.

 

Cheste e je la storie di une coce e di un pic cetant gjenerôs

 

;-)

 

E jere une volte, tant timp fa une coce biele taronde. E cussì taronde che une dì e rodolâ jù pe culine dulà che e stave il sô cjamp e si cjatâ dute di bessole intun prât.


Rodolant e rodolant jù, e jere lade intor di un arbul pardabon alt “Ahi! Tu mi âs fat mâl!!!” al disè l’arbul.

“Parcè no cjalistu dulà che tu vâs?” al bosenà un pic che al veve il sô nît parsore dal arbul. “A moments tu mi fasevis colà dal ramaç!”

“Ma cemût varessio di fâ?” e vaiuçave la coce, “Nissun mi à piturât i voi. No pues viodi dulà che o voi, e mi soi pierdude!”

“Savevistu che jo o soi un scultôr?” ai disè inalore il pic, “Ti pues fâ jo i voi!”

“Pardabon? Mi plasarès une vore!” e rispuindè la coce.


Subìt il pic al tacà a bati planc a planc cul sô bec sul la coce, je no sintive mâl par vie de sô gruesse scusse. Intun moment il pic ai fasè il prin voli. “Ma ce ninin che tu sês” a disè la coce viodintlu pe la prime volte. In pôc timp la coce e viarzè ancje il secont voli.

“Ti ringrazi, tu sês un amì”...la coce cuasi e vaive pa la contentece.

E jere aromai sere e la lûs da lis stelis e jemplave ancje il dentri da la coce, i siei voi a lusivin e a cjalavin la gnot, che ai sameave plui biele e luminose.

E jere la gnot dal 31 di Otubar, il dì de fieste dai muarts, cuant l’unviar al stâ rivant e lis gnots sot da lis stelis a son plui lungjis e plui bielis...par chei che no sìntin frêt.